Հեռուստատեսությունը գնում է դեպի տղաներին իգականացնող և աղջիկներին առնականացնող քաղաքականություն

Այսօր «Տեսակետ» մամուլի ակումբում քննարկվեց մտավորականն ու քաղաքականությունը թեման։

«Այն, ինչ ես գրում եմ տանը գրասեղանի առջև, իմն է, և ոչ ոք չի կարող բռնանալ իմ գրածի վրա, նկարում եմ, ու չեն կարող բռնանալ իր կերպարվեստի վրա։ Թո՛ղ անհամեստություն չհնչի, բայց ամեն տարի ես մտածում էի, թե տարվա նախագահի մրցանակին ես եմ արժանանալու, բայց միշտ այլ մարդ է շահել դրանք։ Չեմ ուզում ասել, որ անարժան են, բայց…»,–այսօր «Տեսակետ» ակումբում ասաց Մշակույթի հայկական ֆոնդի ղեկավար, բանաստեղծ և գեղանկարիչ Արևշատ Ավագյանը։

«Ես պատահական չեմ համարում, որ այս ասուլիսին չեն եկել հեռուստատեսություններից, որովհետև մենք գտնվում ենք տեղեկատվական շրջափակման մեջ։ Սենսացիան, որը ընդգծված է, խանգարում է մեզ։ Չնայած՝ մեզ համար ինչ–որ տեղ սփսոփանք է, որ մենք քիչ ենք երևում հեռուստատեսությամբ, որովհետև հեռուստատեսությունը գնում է տղաներին իգականացնող, իսկ աղջիկներին առնականացնող քաղաքականության»,–ավելացրեց նա։ 

«Մեր իշխանությունները չեն պայքարում ներքին թշնամու դեմ՝ ընչաքաղցության դեմ»։

«Լուրջ մտավորականը երևբէ իշխանության թևերի տակ չի ծվարի, որովհետև նրան արդեն Աստված տվել է առաքելություն»,–ասաց լրագրող և բանաստեղծ Հակոբ Սրապյանը։

«Մտավորականն այն ճչացող խոսափողն է, որն ասում է, որ այսպես ճիշտ չէ, ու՞ր եք հասցնում մեր ժողովրդին, ամեն մի ընտանիքի արտագաղթելուց մեծ պարսպից մի քար է ընկնում։ Իսկական մտավորականը չի  կարող այս մասին չխոսել»,–հավելեց նա։