Օբաման կոչ է արել վերակառուցել ԱՄՆ–ը

ԱՄՆ-ի նախագահ Բարաք Օբաման իր ամենշաբաթյա ռադիոուղերձի ժամանակ շաբաթ օրն ասաց, թե Աֆղանստանում ավելի քան մեկ տասնամյակ պատերազմ մղելուց հետո, ժամանակն է կենտրոնանալ հայրենիքը կառուցելու աշխատանքների վրա, հաղորդում է «Ամերիկայի ձայն»–ը։

Նրա խոսքերով` ամերիկացիները պետք է հարց տան իրենք իրենց, թե ինչ երկիր են ուզում, որ վերադառնան իրենց զորքերը։ Նա նշեց նաեւ, որ Ամերիկան պատերազմի վետերաններին պիտի «ապահովի տարբեր նպաստներով ու տրամադրի բժշկական ապահովագրություն, որպեսզի ժողովուրդը ծառայի նրանց այնպես, ինչպես նրանք են ծառայել ժողովրդին»։