Օբաման ամերիկացիներին կոչ է արել «շանս» չտալ Ռոմնիին

ԱՄՆ նախագահ Բարաք Օբաման մայիսի 5–ին նախագահական ընտրությունների նախընտրական քարոզարշավի շրջանականերում իր ընտրողների հետ հանդիպման ընթացքում կոչ արել ամերիկացիներին հնարավորություն չտալ հանրապետական թեկնածու Միթ Ռոմնիին, հաղորդում է Associated Press–ը։ 

Օբաման հայտնել է, որ Ռոմնիի նախագահ ընտրվելու դեպքում ԱՄՆ–ի տնտեսությունը վերահսկողության տակ է վերցվելու պահպանողականների կողմից, որոնց չի մտահոգում միջին խավը։

«Սա սովորական ու հերթական ընտրություններ չեն, այլ՝ ճակատագրական պահ միջին խավի համար», – հայտարարել է ԱՄՆ գործող նախագահը՝ ելույթ ունենալով Օհայո նահանգի Քոլումբուս քաղաքի 10 հազար ընտրողների առջև։