Հելսինկյան Քաղաքացիական Ասամբլեայի կողմից արձանագրվել են խախտումներ

ՀՔԱ Վանաձորի գրասենյակի դիտորդների կողմից արձանագրված խախտումները.

2012 թ. մայիսի 6-ին Հելսինկյան Քաղաքացիական Ասամբլեայի Վանաձորի գրասենյակը ԱԺ ընտրությունների ժամանակ դիտորդություն իրականացնելու ընթացքում արձանագրել է մի շարք խախտումներ, մասնավորապես՝

• Երևան քաղաքի Մալաթիա-Սեբաստիա համայնքի 7/02 ընտրատեղամասում հանձնաժողովի նախագահը հանձնաժողովի նիստին չի թույլատրել մասնակցել ՀՔԱ Վանաձորի գրասենյակի դիտորդին: Պատճառաբանելով, որ ՀՀ կենտրոնական ընտրական հանձնաժողովի կողմից տրված ՀՀ ազգային ժողովի ընտրությունների տեղական դիտորդի վկայականի 1-ին կետում նշված է, որ դիտորդն իրավունք չունի ներկա լինելու ընտրական հանձնաժողովի նիստերին: Կազմակերպության կողմից անմիջապես գրություն է ուղարկվել ՀՀ Կենտրանական ընտրական հանձնաժողովին, որից հետո դիտորդին թույլատրվել է մասնակցել նիստին:

• Երևան քաղաքի Մալաթիա-Սեբաստիա համայնքի 7/30 ընտրատեղամասը տեղակայված է առաջին հարկում, իսկ քվեախցիկները տեղադրված են եղել պատուհաների դիմաց, որը խախտում է քվեարկության գաղտնիությունը:
Կազմակերպության դիտորդի միջամտությունից հետո խախտումը վերացվել է:

• Երևան քաղաքի Մալաթի-Սեբաստիա համայնքի 7/35 ընտրատեղամասում քվեարկության սենյակը բավարար լուսավորված չի եղել, դիտորդի միջամտությունից հետո տեղադրվել են լրացուցիչ լամպեր:

• Վանաձոր քաղաքի թիվ 30/36 ընտրատեղամասի քվեախցիկը տեղադրված է այնպես, որ չի ապահովում ընտրողի օրենքով սահմանված գաղտնի ընտրության իրավունքը:

• Թիվ 30/33, 30/36, 29/03 ընտրատեղամասերում քվեարկության սենյակում փակցված է եղել ՀՀ նախագահ Սերժ Սարգսյանի լուսանկարը:

• Թիվ 30/22 քվեարկության սենյակում փակցված է բուկլետ գրառված «Առաջ Հայաստան»: Դիտորդի պահանջով խախտումը վերացվել է:

• Թիվ 30/37, 7/09 տեղամասերում միևնույն ժամանակ նույն քվեախցիկում քվեարկել են 2 հոգի:

• Թիվ 30/37 տեղամասում եղել են նաև կուտակումներ: Վանաձոր քաղաքի թիվ 5 երթուղային տաքսին 3 անգամ քաղաքացիների տեղափոխել է դեպի ընտրատեղամաս:

ՀՔԱ Վանաձորի գրասենյակի դիտորդները արձանագրում են, որ Վանաձոր քաղաքի թիվ 30/07, 30/22, 31/05, 35/39, 30/37, 33/77, 29/3, ընտրատեղամասերում անձը հաստատող փաստաթղթի մեջ դրված դրոշմակնիքը մոտ 15 րոպե հետո ցնդել է:

Կազմակերպությունը դիտորդական առաքելություն է իրականացում Վանաձոր, Երևան, Իջևան, Գյումրի քաղաքներում:

ՀՔԱ Վանաձորի գրասենյակի դիտորդները շարունակում են դիտորդությունը և հետագա խախտումների մասին կտեղեկացվի լրացուցիչ: