Թիվ 13 ընտրատարածքի 2 տեղամասերում սկսվել է ձայների հաշվարկը. 13/09-ի նախագահը ագրեսիվ է

Թիվ 13/10 և 13/09 ընտրատեղամասերում սկսվել է ձայների հաշվարկի գործընթացը։ 13/10 ընտրատեղամասում ընտրություններին մասնակցածների թիվը 1058 է, 13/09-ում՝ 1000, հաղորդում է Լուրեր.com-ի թղթակիցը։

Թիվ 13/09 ընտրատեղամասի հանձնաժողովի նախագահ Այվազյանն ընտրատեղամասի փակվելուց անմիջապես հետո իր ագրեսիվ վարքով խոչընդոտել է Լուրեր.com-ի թղթակցի մասնագիտական աշխատանքը՝ վիրավորական արտահայտություններով փորձելով հոգեբանորեն ճնշել վերջինիս։ Սույն հանձնաժողովի նախագահը ողջ քվեարկության ընթացքում աչքի է ընկել ագրեսիվ վարքով՝ անընդհատ լարված մթնոլորտ ստեղծելով տեղամասում։