07/09 ընտրատեղամասում չի սկսվում քվեաթերթիկների հաշվարկի գործընթացը

Մալաթիա-Սեբաստիա համայնքի թիվ 07/09 չի սկսվում քվեաթերթիկների արդյունքների ամփոփման գործընթացը։

Ոստիկանները առանձին սենյակ են տարել 07/09 ընտրատեղամասի հանձնաժողովի նախագահ Վալոդյա Մեսրոպյանին եւ սկսել «առանձնազրույց»։ Ոստիկանները թույլ չեն տվել «Ա1+»-ի նկարահանող խմբին նկարահանել, թե ինչ է տեղի ունենում։

Իսկ մինչ այդ միջադեպ է եղել։ Գալով քվեարկության՝ մի երիտասարդ հայտնաբերել է, որ իր փոխարեն արդեն ընտրել են։

Հիշեցնենք, որ թիվ 7 ԸԸՀ-ում թեկնածուներն են Նիկոլ Փաշինյանը, Վարդան Վարդանյանը, Տիգրան Գրիգորյանը եւ Սամվել Ալեքսանյանը։