Գովազդ՝ ՀԴՄ կտրոնների դարձերեսին

ՀՀ կառավարության նիստում որոշում է ընդունվել, ըստ որի` հարկային վարչարարությանն օժանդակելու նպատակով անցկացվող վիճակահանության ժամանակ, բացի 15 ավտոմեքենայից, որպես պարգևավճար տրամադրել նաև այլ գույք կամ իրավունք, որը նպատակ ունի ընդլայնել շահողների շրջանակը և մեծացնել ՀԴՄ կտրոն պահանջելու շահագրգռվածության աստիճանը:

Ընդունված որոշման համապատասխան Պետական եկամուտների կոմիտեն մրցույթ է հայտարարել ՀԴՄ կտրոնի դարձերեսին ֆիրմային անվանումներ կամ ապրանքային և սպասարկման նշաններ տեղադրելու համար: Մրցույթում հաղթող ճանաչված անձի ֆիրմային անվանումը կամ ապրանքային և սպասարկման նշանը կտպագրվի ՀԴՄ կտրոնների դարձերեսին և 2012 թվականին կիրացվի ՀՀ ողջ տարածքում: Հայտերը ներկայացվելու են մինչև 2011թ. նոյեմբերի 21-ը: Մրցութը կանցկացվի հաջորդ օրը: Այս մասին տեղեկացնում են Հարկային ծառայության կայքից: