Էրդողանին վիրավորելու համար գերմանացի երիծաբանին ազատազրկում է սպառնում

Գերմանացի երգիծաբան եւ հեռուստաահաղորդավար Յան Բյոմերմանին ազատազրկում է սպառնում Թուրքիայի նախագահ Թայիփ Էրդողանին վիրավորելու համար:

Ինչպես հաղորդում է «Արմենպրես»-ը, կոմիկը իր նկատմամբ դատական հետաքննությունը հրահրել է վիրավորական բանաստեղծությամբ' նախապես ZDF-ի հեռուստադիտողներին զգուշացնելով իր Neo Magazin Royale երգիծական շոուում այն մասին, որ պատրաստվում է արգելված բան կարդալ:

«Գերմանական օրենքների համաձայն' այս բանաստեղծությունը չի թույլատրվում կարդալ հասարակական վայրերում», -նշել է նա:

Եթե Բյոմերմանին մեղավոր ճանաչեն, ապա նրան 5 տարի ժամկետով ազատազրկում է սպասվում:

Երգիծական կատակերգությունը կայանում է հետեւյալում: Թուրքական դրոշի եւ Էրդողանի դիմանկարի առաջ նստած' Բյոմերմանը բանաստեղծորեն հայտնել է, որ նախագահը սեռական հարաբերություններ ունի այծերի եւ ոչխարների հետ, եւ «մանկակական պոռնագրաֆիա դիտելու ժամանակ սիրում է ճնշել փոքրամասնություններին, ծեծել քրդերին եւ քրիստոնյաներին»:

Ավելի վաղ գերմանացի կոմիկը Էրդողանին ծաղրի էր ենթարկել չափից ավելի մեծ ծախսեր կատարելու եւ քաղաքացիական ազատությունները ճնշելու համար, ինչից հետո թուրքական կողմը բողոքի նոտա էր հանձնել Թուրքիայում Գերմանիայի դեսպանին: Այդ դիվանագիտական սկանդալի ենթակա միջադեպը հարթել էր Գերմանիայի կանցլեր Անգելա Մերկելը' Թուրքիայի իր գործընկեր Ահմեթ Դավութօղլուի հարցը քննարկելուց հետո:

Որպեսզի գերմանական իշխանությունները դատական հետաքննություն սկսեն Բյոմերմանի նկատմամբ, թուրքական կառավարությունը պետք է պաշտոանական բողոք ներկայացնի:

Անցյալ ամիս Թուրքիայում ընդդիմադիր ԶԼՄ-ներին կառավարության ճնշումների ֆոնին գերմանական Der Spiegel հանդեսը իր թղթակցին հետ էր կանչել Ստամբուլից:

«Թուրքիայում բազմաթիվ լրագրողներ հայտնվել են ճաղերի հետեւում, ԶԼՄ-ների ներկայացուցիչների դեմ աբսուրդ դատական գործընթացներ են սարքվել, կառավարությունն իր վերահսկողության տակ է վերցրել երկրի խոշորագույն հրատակաչչությունները», -այն ժամանակ հայտարարել էր Գերմանացի լրագրողների միությունը: