ԵԱՀԿ/ԺՀՄԻԳ-ը չի փորձել ընտրական ընթացքի պոզիտիվ պատկեր ներկայացնել. Լևոն Զուրաբյան
Հասարակություն
ՀԱԿ համակարգող Լևոն Զուրաբյանը մայիսի 7–ին հրապարակված ԵԱՀԿ/ԺՀՄԻԳ–ի նախնական զեկուցում գտել է բավականին դրական զարգացումներ։
Պարոն Զուրաբյանը Լուրեր.com-ի հետ զրույցում կարևորեց այն հանգամանքը, որ միջազգային դիտորդական առաքելությունները վերջապես հրաժարվել են այն գնահատականից, թե անցկացված ընտրությունները համապատասխանել են դեմոկրատական ստանդարտներին։
«Ոչ մի նման արտահայտություն հայտարարության մեջ չկա, ինչը բավականին դրական զարգացում է», – նշեց համակարգողը՝ հավելելով, որ, փաստորեն, չեն փորձել ընտրական ընթացքի պոզիտիվ պատկեր ներկայացնել։
Ըստ Զուրաբյանի՝ բազմաթիվ թերություններ, անհանգստություններ և խնդիրներ մատնանշված են նախնական զեկույցում, այդ թվում՝ ցուցակների անճշտության հետ կապված հարցեր և այլ խնդիրներ, որոնք «ստեղծել են ոչ հավասար խաղադաշտ»։
«Նաև կան դիտարկումներ, որոնք թույլ են տալիս ենթադրել, որ դիտորդները իրոք լուրջ կմոտենան այս մասսայական ընտրախախտումներին և ընտրակաշառքի բաժանմանը», – եզրափակեց ՀԱԿ համակարգողը։
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
