Հայաստանում օդի աղտոտվածությունը քչացել է

Մթնոլորտ արտանետվող վտանգավոր արդյունաբերական նյութերի կանխարգելմանն ուղղված թեմայի շուրջ՝ «Պոստ Սկրիպտում» մամուլի ակումբում հրավիրված ասուլիսում իր դիտարկումներով հանդես եկավ ՀՀ բնապահպանության նախարարության մթնոլորտային օդի քաղաքականության բաժնի պետ Մարտիրոս Ծառուկյանը` թե ինչ հիմնախնդիրներ կան Հայաստանում այս խնդրի վերաբերյալ:

Տնտեսության գործունեության պայմաններում այսօր մթնոլորտն աղտոտված է: Հիմնախնդիրները բաժանելով երկու մասի՝ Հայաստանի և գլոբալ խնդիրներ, Մարտիրոս Ծառուկյանն առանձնացրեց ամենակարևորը՝ օզոնային շերտի պահպանումը:

Այն հարցին, թե արդյո“ք Հայաստանում վտանգավոր նյութերի արտանետումներն ավելացել են բանախոսը պնդեց հակառակը, որ արդեն քչացել են։ Կանաչապատ գոտիների կարևորության մասին բանախոսն ավելավրեց, որ այն շատ կարևոր դերակատարում ունի մթնոլորտի օզոնային շերտի պահպանման գործում: Տարածաշրջանում Հայաստանն առաջինն էր, որ հրաժարվեց կապարացված բենզինի օգտագործումից: Հայաստանում կա աղտոտվածության վիճակի բարելավում, ինչը որոշակիորեն կարելի է կապել բենզինի որակի բարելավման հետ: