Հալեպում ավիահարվածից հիվանդանոց է ավերվել. «Բժիշկներ առանց սահմանների»

«Բժիշկներ առանց սահմանների» (MSF) միջազգային կազմակերպությունը հայտարարել է, որ ավիահարվածից Սիրիայի Հալեպ քաղաքում հիվանդանոց է ավերվել, ինչի հետևանքով զոհվել է 14 մարդ, որոնց թվում կան հիվանդներ և անձնակազմի անդամներ: Ինչպես տեղեկացնում է «Արմենպրես»-ը, այդ մասին տեղեկատվությունը զետեղվել է Twitter սոցիալական ցանցում կազմակերպության էջում:

«MSF-ի կողմից աջակցվող Հալեպի հիանդանոցն ավերված է, առնվազն 14 հիվանդներ և աշխատակիցներ զոհվել են. զոհվածների թիվը կարող է ավելանալ»,-ասված է հաղորդագրության մեջ:

Կազմակերպության տվյալներով՝ հիվանդանոցի վրա ավիահարվածն իրականացվել է ապրիլի 27-ին: Զոհվածների թվում կա երեք բժիշկ:

«Մենք դատապարտում ենք Հալեպի Ալ Քուդս հիվանդանոցի ոչնչացումը, դա մարդկանց զրկել է անհրաժեշտ բուժօգնությունից»,- ասված է կազմակերպության հաղորդագրության մեջ, հայտնել է ՌԻԱ Նովոստին: