Ռուսական «Գազպրոմ» ընկերությունը գնել է գերմանական «Էնվակոմ»-ը

«Frankfurter Rundschau» լրատվականի հաղորդմամբ ռուսական «Գազպրոմ» ընկերությունը գնել է էներգետիկ և հեռահաղորդակցության ոլորտում գործառնող  գերմանական «Էնվակոմ» ընկերությունը։ Գործարքի կայացման լուրը հաստատել են նաև «Գազպրոմ» ընկերությանը պատկանող «Գազպրոմ Գերմանիա» դուստր ձեռնարկությունից։ Գործարքի մասին առաջին անգամ հայտնի է դարձել հոկտեմբերի կեսերին, երբ կողմերը ստացան Գերմանիայի հակամենաշնորհային վարչության դրական եզրակացությունը։

«Էնվակոմ» ընկերությունը ստեղծվել է 1999թ.–ին։ Այս ընկերության հաճախորդների թիվը շուրջ 500 հազար է։ Այն հիմնականում զբաղվում է էներգիայի արտադրությամբ։ Այս գործարքի շնորհիվ «Գազպրոմը» հնարավորություն կստանա մրցակցել Գերմանիայի էներգետիկ շուկայի հսկաների հետ։