Թող ոչ մեկ գլուխ չգովի, թե ուրախ ենք այս արդյունքների համար. Արամ Մանուկյան

«Թող ոչ մեկ գլուխ չգովի, թե ուրախ ենք այս արդյունքների համար, սա այն թիվը չէ, որ ստացել ենք, խայտառակ բան է ու մի տեսակ կոտրվում ես, մի տեսակ բորշի պատմություն ա դառնում, որ ասում ես «առ քո բորշը»: Բայց ուզում եմ Դերենիկ Դեմիրճյանի խոսքերից մեջբերեմ հայիս տեսակի մասին, ասում է. «Ոչինչ չեմ ուզում ձեզանից։ Ձեզ լինի ձեր երջանկությունը, գնացեք, ապրեցեք խաղաղ և երջանիկ, եթե դուք սիրում եք կյանքը, ես սիրում եմ կյանքիցս ավելի թանկ բանը՝ ազատությունը։

Սիրելի՛ ժողովուրդ, այս ձայները, այս պայքարը, այս զրկանքները աստվածային արժեքի համար ենք կրում։ Միակ արարածը բնության մեջ մարդն է, որը գիտակցված գնում է ազատության համար պայքարի. զոհեր են լինում, ազգեր են զոհաբերվում, որևէ հասարակության մեջ տաս հազար դրամ վերցնելը չի այդ արժեքի կրող, նա ստիպված է գնում դրան, պետք չէ նրան մեղադրել, մեղադրելով չի, որ խնդիրը պետք է լուծվի: Նրանց մեղադրել էլ չի կարելի, ընդհակառակը՝ ես հույսս դնում եմ այն քաղաքացու վրա, որը պահում է ինձ, որ ես էլի մեծ-մեծ խոսամ։ Այս երկիրն ունի այդպիսի լուսավոր կետ՝ դա քաղաքացին է և նա պայքարում է: Այն երկու հարյուր հազարը, որ զրկանքներից հետո գնաց և քվեարկեց, փառք այդ քաղաքացուն, և այդ վստահությունն ավելին արժե քան մանդատը: Դուք այն հասարակությունն ենք, որը պայքարում է իր երկրի ազատության համար: Մի՛ խեղճացեք, մենք պարտավոր ենք պայքարելու, մենք դատապարտված ենք մեր երեխաներին հույսով պահելու համար և որևէ մեկը չհամարձակվի լքել այս երկիրը։ Բոլորս մնում ենք Հայաստանում՝ պահելու մեր երկիրը, պահելու մեր Հայաստան հայրենիքը»:

Հայ ազգային կոնգրեսն այսօր երթ չի անցկացնի։ Այդ մասին հայտարարեց ՀՀՇ վարչության նախագահ Արամ Մանուկյանը։