Էրդողանի երեխաների կասկածելի հարստության գաղտնիքը բացահայտված է
Թուրքիա
Թուրքիայի նախագահ Ռեջեփ Թայիփ Էրդողանի երեխաները լողում են շքեղության մեջ, մինչդեռ Էրդողանի եկամուտը կազմում է ընդամենը 50 000 եվրո: Միևնույն ժամանակ ոչ մի պաշտոնական տեղեկություն չկա, թե ինչ միջոցների է տիրապետում Էրդողանի ընտանիքը: Այս մասին գրում է գերմանական Bild պարբերականը:
Էրդողանի երեխաները բնակվում են շքեղ վիլլաներում և սեփական բիզնեսներ ունեն, որոնք առանձնապես թափանցիկությամբ աչքի չեն ընկնում:
Ինչպես նշում է պարբերականը՝ Թուրքիայի նախագահի կրտսեր որդին՝ Բիլալը, մեկ անգամ չէ, որ հայտնվել է փողերի լվացման շուրջ սկանդալների կենտրոնում: Նա քրոջ' Էսրայի հետ միասին 2013-ին ներգրավված է եղել կոռուպցիոն սկանդալում:
Բացի այդ, անցյալ տարի բացահայտվել է, որ Բիլալը հովանավորում է թուրք գործարարներին, որոնք ամեն տարի 500 մլն դոլար ծավալով գաղտնի նավթային գործարքներ են իրականացնում «Իսլամական պետության» ահաբեկիչների հետ:
«Այժմ Էրդողանը ցանկանում է ընդլայնել իր «կլանի» ոչ միայն ֆինանսական, այլև քաղաքական ազդեցությունը: Վարչապետ Ահմեդ Դավութօղլուի հրաժարականից հետո Էրդողանը նրա պաշտոնում է առաջադրում իր փեսային, որը հավատարիմ է Էրդողանի քաղաքականությանը», - եզրափակում է գերմանական պարբերականը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
