Superjet-100 օդանավն Ինդոնեզիայում դուրս է եկել ռադարների հսկողությունից

Ռուսական արտադրության Superjet-100 օդանավը, որը ուղևորվելիս է եղել Ջակարտա, դուրս է եկել ռադարների հսկողությունից։ Այս պահին որոնումներ են կատարվում, հաղորդում է Ռիա Նովոստին՝ հղում անելով Ինդոնեզիայի ավիացիոն իշխանություններին։

Օդանավում է գտնվում 44 մարդ՝ Ռուսաստանի չորս քաղաքացի և տարբեր երկրների 36 քաղաքացիներ, ուղևորների բջջայինների վրա կատարվող զանգերն անպատասխան են։

Օդանավը Ջակարտայի օդանավակայան ժամանման կանոնակարգված ժամկետից արդեն բավականին ուշացել է։