ԿՀՎ գործակալները գաղտնի տեղեկություններ են տրամադրել լրագրողներին

ԱՄՆ Կենտրոնական հետախուզական վարչության ղեկավար Ջեյմս Քլափերը հանձնարարել է ներքին հետաքննություն անցկացնել լրատվամիջոցներում հայտնված տեղեկատվական արտահոսքի փաստով, որը վերաբերում է «Ալ Քաիդայի» եմենյան մասնաճյուղի կողմից պատրաստվող ահաբեկչությանը, գրում է Telegraph–ը։

Ըստ պարբերականի աղբյուրի, հետաքննությունը պետք է պարզի՝ արդյոք ԿՀՎ գործակալները կամ այլ հատուկ ծառայությունների աշխատակիցները գաղտնի տեղեկություններ տրամադրե՞լ են լրագրողների։

Հետաքննությունը կանցացվի 16 կառավարական մարմիններում, որոնք զբաղվում են ԱՄՆ–ի հետախուզությամբ և անվտանգության հարցերով։

Նման հետաքննություն անցկացնելու պատճառ է դարձել այն, որ ամերիկյան լրատվամիջոցներում մայիսի 7–8–ին հայտնվել են տեղեկություններ ԱՄՆ–ի օդանավակայաններից մեկում օդանավում ահաբեկչական գործողությունները կանխելու մանրամասների վերաբերյալ։ Մասնավորպես նշվել էր, որ «Ալ Քաիդայի» մահապարտ ահաբեկիչը համագործակցել է ԱՄՆ–ի և Սաուդյան Արաբիայի հետախուզական գործակալությունների հետ, ինչի արդյունքում հաջողվել է կանխել ահաբեկչությունը։

Բացի այդ, ամերիկյան լրատվամիջոցները հաղորդել էին, որ մինչ այդ ահաբեկիչ–գործակալն իր կուրատորին կարևոր է տեղեկություններ էր հաղորդել Արաբական թերակղզում նախատեսվող ահաբեկչական ցանցի գործունեության մասին։ Այդ տեղեկությունները մասնավորապես վերեբել են տեղի «Ալ Քաիդայի» առաջնորդներից Ֆահդա ալ–Կուսին։ Վերջինս ԱՄՆ հատուկ ծառայությունների կողմից հետախուզվում էր 2000–ին Ադենա նավահանգստում «Cole» կործանիչի պայթյունն իրականացնելու համար, եզրափակում է The Telegraph–ը։