«Հայկական Ժամանակ». Շաքարավազի գինը բարձրացել է

«ՀԺ»–ի իրականացրած մանրածախ գների դիտարկումներից պարզ է դառնում, որ ընտրություններից ընդամենը մի քանի օր անց՝ այս տարվա մայիսի 10-ի դրությամբ, ապրիլի 9-ի համեմատ, շաքարավազի մեկ կիլոգրամի գինը բարձրացել է 10 դրամով:

Հայաստանում միջինն օրական սպառվում է 275 տոննա շաքարավազ: Իսկ դա նշանակում է, որ կիլոգրամը 10 դրամով թանկանալու արդյունքում շաքարավազի միակ ներկրողն ու արտադրողը՝ Սամվել Ալեքսանյանը, օրական ստանում է լրացուցիչ 2 միլիոն 750 հազար դրամ եկամուտ կամ ամսական ավելի քան 82 միլիոն դրամ: Թե քանի ամսում նա «կհանի» ընտրությունների համար կատարած իր ծախսերը, դժվար է ասել:

«ՀԺ»–ն նաև նկատում է, որ իբր Ալեքսանյանի կնոջը պատկանող «Ալեքս Գրիգ» ընկերությունը այս տարվա առաջին եռամսյակում մոտ 15 տոկոսով ավելի քիչ հարկ է վճարել, քան անցած տարի: