Ընտրակաշառք բաժանելը զուգորդվել է ահաբեկմամբ. Լևոն Զուրաբյան

Ընտրությունների հանրային վերահսկողության խնդիրներին նվիրված լսումների տասներորդ լիագումար նիստի ժամանակ ՀԱԿ համակարգող Լևոն Զուրաբյանը, իր խոսքում անդրադառնալով անցկացված ընտրություններին, ասաց.

Սա պետականորեն կազմակերպված հանցագործություն է, որում օգտագործվել է ժողովրդի զգալի մի մասը: Գիտենք, որ ցուցակում մոտ 2.5 մլն մարդ էր ընդգրկված. իրականում դրանցից 700,000-ը Հայաստանում չեն, այդ գնահատկանը մենք ամրապնդել են երեք կուսակցության կողմից ոստիկանապետին և վարչապետին ուղղված նամակում, և որևէ հերքում այդ գնահատականին չի եղել, ուղղակի ասել են, որ չեն կարող տալ այն մարդկանց անունները, որոնք բացակայում են Հայաստանից, բայց բուն գնահատականը ոչ ոք չի մերժել:

Հայաստանում առկա ընտրողների թիվն ուրեմն 1.8 մլն մարդ է: Եվ պատկերացրեք՝ ինչ է կատարվել քվերակության օրն ըստ պաշտոնական տվյալների, ըստ ԿԸՀ-ի տվյալների: Քվեարկությանը եկել  և մասնակցել է 1 մլն 559 հազար մարդ. եթե հավատանք այս թվին, ապա ստացվում է, որ Հայաստանում տեղի է ունեցել աննախադեպ երևույթ՝ ընտրողների 86 տոկոսը եկել են և մասնակցել խորհրդարանական ընտրություններին:

Բոլոր այն երկրներում, որտեղ տեղի են ունենում խորհրդարանական ընտրություններ, իսկ խոսքը դեմոկրատական երկրների մասին է, բնակչության մասնակցությունը 40-45, առավելագույնը 50 տոկոսը չի անցնում, և սա բնական է, քանիո ր ցանկացած դեմոկրատական հասարակության մեջ քաղաքականությամբ իրականում հետաքրքրվում և իրենց վճիռը քվերակության օրը կայացնում է քաղաքականապես ակտիվ մասը՝ հասարակության մոտ 40-50 տոկոսը: Մնացածը, լինի դա ԱՄՆ, Դանիա, չեն հետաքրքրվում քաղաքականությամբ, չեն մասնակցում ընտրություններին:

Ի՞նչ է արել այսօրվա իշխանությունը: Այսօրվա իշխանությունը հենց այդ մնացած 50 տոկոսին բերել է քվեարկության հանցավոր, պետականորեն կազմակերպված մի գործընթացով: Իրականում, Հայաստանում քվերակությանը մասնկացել է առկա ընտրողների 40 տոկոսը, դա էլ՝ լավագույն դեպքում: Դուք գիտեք, որ Հայաստանում կա մի պրոբլեմ՝ մարդիկ չեն հավատում ընտրությունների մեխանիզմին, ուստի Հայաստանում իրականում ավելի պակաս մարդ պետք է մասնկացեր ընտրություններին: Այդ քառասուն տոկոսը նրանք են, ովքեր քվեարկությանը մասնակցել են իրենց խղճի մտոք, իրենց որոշմամբ և մենք այդ զանգվածը գնահատում ենք մոտավորապես 800-900 հազար մարդ և պնդում ենք, որ այն մարդիկ, որոնց թիվը կազմում է մոտ 700 հազար, ընտրատաեղամասեր են եկել ոչ թե իրենց խղճի թելադրանքով, ոչ թե ընտրելու իրենց քաղաքական ուժին, այլ՝ մաս կազմելով պետականորեն կազմակերպված հանցագործությանը, որի երկու աղբյուր է եղել: Մեկը բազմակի քվեարկությունն էր՝ պետությունն ամեն ինչ արել է, որպեսզի հեշտացնի բազմակի քվեարկությունը, ավելին՝ այդ 7.30-8.00 եկած այդ ամբողջ հայուր հազարավոր զանգվածը ընտրակեղծարարաների հիմնական բազան է, որը առավոտյան եկել է քվեարկելու, որ հետո կարողանա նորից, բազմակի անգամ քվեարկի այն պարագայում, երբ թանաքը փոխարինված չէր կայուն հետք թողնող թանաքով: Մենք ունենք նաև անձնագրերի լուսանկարներ, որտեղ երեք, չորս դրոշմակնիք է պատկերված:

Երկրորդը՝ ավելի մասշտաբային եղել է պետականորեն կազմակերպված ընտրակաշառքի բաժանումը, բայց երբ ես խոսում եմ ընտրակաշառքի մասին, ուզում եմ, որ բոլորս մի բան հասկանանք՝ սա միայն ընտրակաշառք չէ, իրականում գործել է բլիթի և մտրակի քաղաքականությունը, ավելի շուտ՝ մտրակի և բլիթի քաղաքականությունը: Ընտրակաշառք բաժանելը զուգորդվել է ահաբեկմամբ: Մարդկանց ուղղակի սպառնացել են, որ եթե իրենք այդ տրված ընտրակաշառքի դիմաց չգնան ու չքվեարկեն իրենց կողմից թելադրված կուսկացության օգտին, ուրեմն իրենց ընտանիքին վնաս է հասցվելու և դա ասվել է պետական պաշտոնյաների, միլպետների կողմից: Մենք այս համատարած սպառնալիքների մասին տեղեկություններհն ունենք:

Վերահսկման տարբեր մեխանիզմներ են գործել, մեկը՝ կարուսելն է, մյուսն այն է, որ որոշ մարդկանց ընտանիքներին բաժանել են գույնզգույն գրիչներ, կոնկրետ գույներկ գրիչներ և ասել են, որ հենց այդ գույնով մենք վերահսկելու ենք, թե դուք ինչպես եք քվեարկել: Վերահսկման մեկ այլ ձև եղել է բաց քվեարկությունը, վերահսկման մեկ այլ ձև է եղել նաև այն, որ ուղղակի տարածել են տեղեկություններ, թե կան ինչ-որ անտեսանելի կամերաներ, իրենց գրիչների մեջ են տեսախցիկները տեղադրված, այսինքն՝ ամեն ինչ մեր վերահսկողության տակ է լինելու և մենք գիտենք թե դուք ոնց եք քվեարկելու: