ԱՄՆ խոշորագույն բանկի կորուստներն արդեն 2 մլրդ դոլարի են հասել

Ամերիկյան խոշորագույն JP Morgan բանկի բաժնետոմսերի գինը նվազել է այն բանից հետո, երբ վերջինիս կողմից բացահայտվել են ֆինանսական կորուստների մասին տեղեկություններ: Բորսայում առուծախի ժամանակ մի պահ բանկի բաժնետոմսերի գինը նվազել է 8 տոկոսով:

Ինչպես ավելի վաղ տեղեկացրել էր Լուրեր.com-ը, բանկի կորուստները կազմել են շուրջ 800 մլն դոլար: Վերջին տվյալներով՝ այդ թիվը հասել է 2 մլրդ դոլարի, հայտնում է BBC-ն: Վերլուծաբանները դա բացատրում են նրանով, որ բանկն իրականացրել է «սեփական առևտրային գործունեություն», այսինքն՝ իր գործունեության մեջ բանկն օգտագործել է սեփական, այլ ոչ թե հաճախորդների դրամական միջոցները: