«Հայկական Ժամանակ». Զարուհի Փոստանջյանը չի հրաժարվել ապագա խորհրդարանի պատգամավորի իր մանդատից
Հայկական Մամուլ
Աժ ընտրություններին «Ժառանգություն» կուսակցության համամասնական ցուցակի երրորդ հորիզոնականը զբաղեցնող, գործող պատգամավոր Զարուհի Փոստանջյանը չի հրաժարվել ապագա խորհրդարանի պատգամավորի իր մանդատից:
Այս մասին Փոստանջյանն ասել է թերթի թղթակցի հետ զրույցում: Ըստ նրա' նման հարց իրենց կուսակցությունում չի քննարկվել, և իր մանդատի շուրջ տարածված լուրերը իրականությանը չեն համապատասխանում:
Երեկ ողջ օրը համացանցում լուրեր էին պտտվում այն մասին, որ Փոստանջյանը որոշել է հրաժարվել ապագա խորհրդարանի պատգամավորական մանդատից: Նաև այդ «հրաժարման» տարբեր պատճառներ էին նշվում, իբր' Փոստանջյանը իմացել է, որ «Ժառանգությունը» իշխանությունների հետ է համագործակցում, դրա համար է ինքնաբացարկ ներկայացրել, իսկ մյուս տարբերակով' նրան իբր ստիպում են ինքնաբացարկ ներկայացնել, որպեսզի «Ժառանգություն» կուսակցության համամասնական ցուցակի 6-րդ հորիզոնականը զբաղեցնող Թևան Պոդոսյանը դառնա պատգամավոր: Ընտրությունների արդյունքում «Ժառանգությունը» ստացել է հինգ մանդատ, և եթե ինքնաբացարկներ չլինեն' Աժ կանցնեն Ր. Հովհաննիսյանը, Խ. Քոքոբելյանը, Չ. Փոստանջյանը, Ռ. Հակոբյանը, Ա. Արզումանյանը:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
