«Հայկական Ժամանակ». ԵԱՀԿ Մինսկի խմբի համանախագահները Ղարաբաղ չեն գնա

ԵԱՀԿ Մինսկի խմբի համանախագահները երեկ երեկոյան ժամանել են Երևան: Այսօր նախատեսված են նրանց հանդիպումները Սերժ Սարգսյանի և ԱԳ նախարար Էդվարդ Նալբանդյանի հետ: Քննարկվելու են ղարաբաղյան հակամարտության կարգավորման ներկա գործընթացին առնչվող հարցեր: Երևանից համանախագահները պետք է մեկնեին Ստեփանակերտ, սակայն, «Ռեգնում» գործակալության փոխանցմամբ, համանախագահները հրաժարվել են Լեռնային Ղարաբաղ մեկնելուց՝ դա կրկին պատճառաբանելով անբարենպաստ եղանակային պայմաններով: Վաղը համանախագահները մեկնելու են Բաքու: