Հոկտեմբերի 10-11-ը տեղի կունենա ԱրմԹեք Կոնգրես 2011 Հայաստանի բարձր տեխնոլոգիաների 4-րդ ամենամյա համաժողովը

 Հոկտեմբերի 10-11-ը տեղի է ունենալու «Արմթեք Կոնգրես 2011»` Հայաստանի բարձր տեխնոլոգիաների 4-րդ ամենամյա համաժողովը: Այս տարի գրանցվել է աննախադեպ մասնակցություն` ավելի քան 100 գրանցված մասնակից արտերկրից: Մասնկացելու են երկու հիմնական պատվիրակություններ: Առաջինը նրանք, ովքեր պարազապես ցանկանում են մասնակցել միջոցառմանը, երկրորդը` միջազգային խոշորագույն կազմակերպությունների պատվիրակությունները: Վերջիններս ղեկավարում են կամ դրանց փոխնախագահները, կամ հենց նախագահները: Հատուկ ուշադրություն է դարձվելու կրթության վրա` բարձրագույն և վերապատրաստման դասընթացներին, հեռահաղորդակցության ոլորտին, էլեկտրոնային հասարակության խնդիրներին` կրթություն, առողջություն, կառավարում, ինչպես նաև` նորաստեղծ ընկերություններին:

Ըստ կազմակերպիչների`«Արմթեք»-ը նպաստելու է Հայաստանի ՏՏ ոլորտի խնդիրների լուծմանը. Հայաստանը պետք է դարձնել համաշխարհային հետազոտական կենտրոն, ստեղծել համապատասխան միջավայր և ենթակառուծվածքներ: Բացի այդ` միջոցառմանը ներկա է գտնվելու նաև Համաշխարհային բանկի պատվիրակությունը, որը ծրագիր ունի լայնաշերտ համացանցի շնորհիվ նպաստել փոքր և միջին բիզնեսի զարգացմանը: