«FEMEN»-ի մերկ ակտիվիստուհին վնասել է ֆուտբոլի Եվրոպայի առաջնության գավաթը (Տեսանյութ)

Այսօր՝ ժամը 14։00-ի սահմաններում, ուկրաինական «FEMEN» շարժման ակտիվիստուհի Յուլյա Կովպաչիկը, իր ծննդյան տարեդարձի օրը, ցուցադրության ժամանակ «հարձակվել» և փորձել է գետնին գցել ֆուտբոլի Եվրոպայի առաջնության գավաթը, ինչի հետևանքով այն վնասվել է։

Խաբելով պահակախմբին՝ աղջիկը մոտեցել է գավաթին։ Ընդամենը մի քանի վայրկյան անց նա մերկացրել է կուրծքն ու իրանը, որի վրա գրված է եղել «Fuck Euro-2012» և գցել է գավաթը։

Ըստ «FEMEN»-ի լրատվական ծառայության տեղեկությունների՝ աղջիկը ձերբակալվել է։