Մշակվել է լազերով աչք «ներկելու» մեթոդ

Ամերիկյան ընկերությունը մշակել է աչքերի գույնը բաց շագանակագույնից երկնագույն փոխելու մեթոդ: Այս մասին հաղորդում է CBS News-ը:

Կալիֆորնիական Stroma Medical ընկերության աշխատակից Գրեգ Հաումերը (Gregg Homer) պարզաբանել է, որ գործողությունն իրականացվում է հատուկ լազերի միջոցով, որը քանդում է հյուսվածքի մուգ գույնի համար պատասխանատու աչքի ծիածանային թաղանթի մելանին պիգմենտը: Գործողությունը տևում է մոտ 20 վայրկյան, իսկ գունափոխությունը կատարվում է աստիճանաբար՝ երկու-երեք շաբաթվա ընթացքում: Դրանից հետո աչքը մշտապես դառնում է երկնագույն:

Հաոմերը հայտարարել է, որ ինքը համոզված է այդ նոր մեթոդի անվտանգության մեջ: Բայց ամերիկյան Օֆտալմոլոգիայի քոլեջի ներկայացուցիչ էլմար Տուն (Elmer Tu) նկատել է, որ ներաչքային հեղուկի միջից մելանինի հանելը տեսականորեն կարող է մեծացնել պիգմենտային գլաուկոմայի զարգանալու ռիսկը: Իսկ դա կուրության հասցնող ծանր հիվանդություն է:

Կհաստատվեն, թե կժխտվեն մեթոդի վտանգները, ցույց կտան հետագա փորձարկումները, որոնք կտևեն մեկ տարուց ոչ պակաս: Հաջողության դեպքում նոր լազերային սարքը համաշխարհային շուկա կմտնի 18 ամիս հետո: Գործողության ենթադրյալ գինը կլինի մոտավորապես հինգ հազար դոլար:

Stroma Medical ընկերության գործադիր տնօրեն Դաուգ Դենիելսը (Doug Daniels) պարզաբանել է, որ աչքը լազերով «ներկելը» չունի գունավոր լինզաների թերությունները: Մասնավորապես, բաց գույնի լինզաները մուգ աչքերին անբնական են և խանգարում են տեսողությանը: Բացի դրանից նրանց մշտական օգտագործումը առաջացնում է ինֆեկցիա: