Հայ երաժիշտների մեծ հաջողությունը Ավստրիայում (Տեսանյութ)

Ավստրիայում անցկացված երիտասարդ երաժիշտների «Եվրատեսիլ-2012» մրցույթում 2 հայ կատարողներ զբաղեցրել են պատվավոր 2-րդ և 3-րդ հորիզոնականները՝ մրցույթի հաղթողի կոչումը զիջելով Նորվեգիան ներկայացնող ջութակահար Էյվինդ Հոլցմարկ Ռինգստադին:

Զութակահար Էմանուել Ճգնավորյանը՝ հայտնի դիրիժոր Լորիս Ճգնավորյանի որդին, որը ներկայացնում էր Ավստրիան, արժանացավ երկրորդ, իսկ Հայաստանը ներկայացնող 15-ամյա քանոնահար Նարեկ Գազազյանը՝ երրորդ մրցանակին:

Սա շատ կարևոր նվաճում է մեզ համար, եթե հաշվի առնենք, որ մրցույթին Հայաստանը մասնակցում էր առաջին անգամ։

Նշենք նաև, որ այն անցկացվում է դասական ժանրում հանդես եկող, 15-20 տարեկան երաժիշտների միջև՝ եվրոպական երկրներից: