Euronews. Արաբական երկրների լիգան այլևս չի վստահում Ասադին

Արտաքին գործերի նախարար Ահմեդ Դավութօղլուն ողջունել է Սիրիայի ընդդիմության ներկայացուցիչներին, այն բանից հետո երբ ընդդիմադիրները հարձակվել են Սիրիայում թուրքական դիվանագիտական ներկայացուցչությունների վրա և ավելացրել, որ Թուրքիան անվերապահորեն աջակցում է Սիրիայի ընդդիմությանը՝ պահանջելով Բաշար ալ–Ասադի հրաժարականը։

Բացի թուրքական դեսպանատան եւ հյուպատոսարանների վրա հարձակումներից, ընդդիմության ներկայացուցիչները հարձակվել են Սիրիայում Քաթարի, Սաուդյան Արաբիայի եւ արաբական մյուս երկրների դիվանագիտական ներկայացուցչությունների վրա, ի պահանջ այն բանի, որ Արաբական երկրների լիգան կասեցնի Սիրիայի անդամակցությունը։ Արաբական լիգան վերջնագիր է նեկայացրել Դամասկոսին, որին կհաջորդեն տնտեսական պատժամիջոցները։ «Մեր պահանջներն այսօր նույնն են՝ դադարեցնել բռնությունները եւ հրաձգությունը, ազատ արձակել քաղբանտարկյալներին եւ կատարել իրական քաղաքական բարեփոխումներ»։ Դամասկոսում հավաքվել են տասնյակ հազարավոր մարդիկ, որոնք աջակցում են իրենց նախագահին եւ բողոքում Արաբական լիգայի կողմից կայացրած որոշման դեմ, ինչը նրանք կոչում են երրորդ կողմից թելադրված որոշում։ Սիրիայի կառավարությունը երեկ առաջարկել էր Դամասկոսում հրավիրել Արաբական լիգայի արտակարգ նիստ, սակայն այդ առաջարկին Լիգան դեռևս ոչ մի արձագանք չի տվել։