ԵԱՀԿ ՄԽ համանախագահները ժամանել են Ադրբեջան. Մենք առայժմ մեր այցի միջնամասում ենք. Ռոբերտ Բրադկե

Մայիսի 13-ն ԵԱՀԿ Մինսկի խմբի համանախագահներ՝ Ռոբերտ Բրադկեն (ԱՄՆ), Ժակ Ֆորը (Ֆրանսիա), Իգոր Պոպովը (Ռուսաստան) և ԵԱՀԿ-ի նախագահի անձնական ներկայացուցիչ Անջեյ Կասպշիկը (Լեհաստան) ժամանել են Ադրբեջան, հաղորդում է 1news.az–ը։

Ռոբերտ Բրադկեն հայտարարել է, որ մայիսի 12-ին հանդիպում են ունեցել Հայաստանի նախագահ Սերժ Սարգսյանի և արտաքին գործերի նախարար Էդվարդ Նալբանդյանի հետ. «Մայիսի 14-ին մենք կշարունակենք հանդիպումները Բաքվում։ Մենք առայժմ մեր այցի միջնամասնում ենք։ Հանդիպման արդյունքների կապակցությամբ համանախագահները հանդես կգան համատեղ հայտարարությամբ»։

Բրադկեն նշել է. «Մեր այցի նպատակն է Մամեդյարովի հետ Լոնդոնում և Նալբանդյանի հետ Վարշավայում սկսած՝ Սոչիիում երեք նախագահների համատեղ հայտարարության տարրերի իրագործման կապակցությամբ բանավեճերի շարունակումը»։

Մեկնաբանելով վերջին ժամանակներում ճակատային գծում լարված իրադրության վերաբերյալ հարցը՝ համանախագահը նշել է, որ ստեղծված իրավիճակը անհանգստացնում է միջնորդներին. «Ինչպես մենք հայտարարել ենք Դուշանբեում, մենք մտահոգված ենք շփման գծում առկա իրադրությամբ»։