Իսրայելում նույնասեռական ամուսնությունները հնարավոր է` օրինականացվեն

Իսրայելի փոխվարչապետ Մոշե Յաալոնը կողմ է արտահայտվել երկրում նույնասեռականների ամուսնությունների օրինականացմանը։ 

«Ես կարծում եմ, որ ամուսնությունը անձնական ընտրության խնդիր է, և մենք պետք է թույլատրենք ընտրության ազատությունը»,- ասել է նա։ 

Փոխվարչապետի խոսքերով` իսրայելական բանակում արդեն եղել է նմանատիպ նախադեպ, երբ զինծառայողի զուգընկերոջը ճանաչել են իբրև նրա քաղաքացիական ամուսին։ 

Իսրայելում սույն հարցն ակտիվորեն քննարկվում է այն բանից հետո, երբ ԱՄՆ նախագահ Բարաք Օբաման վերջերս կողմ արտահայտվեց նույնասեռական ամուսնությունների օրինականացմանը։