Միանշանակ ուրախ եմ, որ ՀԱԿ-ն անցել է ԱԺ. Շուշան Պետրոսյան
Հարցազրույցներ
Երգչուհի, ՀՀԿ-ական նորընտիր պատգամավոր Շուշան Պետրոսյանը ԱԺ-ում կզբաղվի մշակութային ոլորտին վերաբերող հարցերով: Այս մասին այսօր Լուրեր.com-ի հետ զրույցում ասել է երգչուհին՝ նշելով, որ «թեման մշակույթն է լինելու»:
Խոսելով ՀՀԿ հնարավոր կոալիցիայի մասին՝ տարբեր քաղաքական ուժերի հետ, երգչուհին ասաց. «Միանշանակ կողմ եմ: Առհասարակ, ինձ որ լիներ, պետք է բոլորը ընդհանուր լիներ Հայաստանի համար: Իմ սկզբունքը սա է, և ես կոալիցիային կողմ եմ»:
Անդրադառնալով նաև հարցին, թե ինչպե՞ս է վերաբերում ՀԱԿ-ի՝ ԱԺ մտնելուն, ՀՀԿ պատգամավորն ասաց, որ ուրախ է ՀԱԿ-ին տեսնել ԱԺ-ում:
«Միանշանակ ուրախ եմ, որ ՀԱԿ-ն անցել է ԱԺ: Երբ կարդում եմ, որ ոմանք հրաժարվում են ԱԺ մտնելուց, չեմ հասկանում իրենց, որովհետև կարծում եմ, որ շատ կարևոր է, երբ բոլորը միանման չմտածեն, և շատ կարևոր է, որ բոլորը մտածեն Հայաստանի մասին, ոչ թե սեփական ամբիցիաների»,- նշեց Շուշան Պետրոսյանը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
