Աստանայի օդանավակայանում տերմինալի դռներին եղել է «Push off» (Ռադ եղիր) գրվածքը

Աստանայի օդանավակայանի աշխատակազմն ուղղել է տերմինալի դռների վրայի անգլալեզու սխալ գրվածքները, որոնք թարգմանաբար նշանակում էին «Ռադ եղիր»՝ «Հրել դեպի դուրս»-ի փոխարեն։

Դրանք ուղղվել են այն բանից հետո, երբ այնտեղ եղած բրիտանացի լրագրող Ջոնաթան Նյուելլը մեկնաբանություն էր գրել այդ մասին սոցցանցերից մեկում, հայտնում է Ինտերֆաքսը։

Բրիտանացին նկատել է, որ "Push" (Հրել դեպի դուրս) բառի փոխարեն տերմինալի դռներին գրված է եղել "Push off" (Ռադ եղիր)։ «Կարծում եմ, որ օդանավակային նոր թարգմանիչ է պետք»,- կատակել է լրագրողը։

Նյուելլի մեկնաբանությանը հղում է կատարել ղազախական «Վրեմյա» պարբերականը։ Նշենք նաև, որ Աստանայի օդանավակայանում ծառայողական քննություն է սկսվել՝ «սխալ գրվածքների» փաստով։