Թուրքիան ևս 20 տարի ԵՄ անդամ չի լինի. Մերկելի օգնական
Թուրքիա
Գերմանիայի Դաշնության վարչապետ Անգելա Մերկելի օգնական Սիգմար Գաբրիելը հայտարարել է, որ առաջիկա 20 տարիներին խոսք չի կարող լինել Թուրքիայի' Եվրամիությանն անդամակցության մասին:
Ինչպես հաղորդում է ARD հեռուստաալիքը, դրա հետ միասին, Սիգմար Գաբրիելը դեմ է արտահայտվել Թուրքիայի հետ ԵՄ անդամակցության բանակցությունները դադարեցնելու մասին հնչող կարծիքներին:
«Մենք պետք է Թուրքիայի հետ ամեն տեսակի երկխոսության ուղիները բաց պահենք: Սակայն, ես այն կարծիքին եմ, որ մոտ ապագայում' առաջիկա 20 տարիներին Թուրքիան ԵՄ-ին միանալու շանս չունի», -ասել է նա' նշելով, որ Թուրքիան դեռևս շատ հեռու է ԵՄ չափանիշներից:
Մերկելի օգնականն ասել է, որ եթե Թուրքիան վերականգնի մահապատիժը, ինչի մասին խոսում է այդ երկրի նախագահ Թայիփ Էրդողանը, ապա ԵՄ բոլոր պայմանները կատարելու դեպքում անգամ անդամակցության բանակցությունները «տարբեր իրավիճակում» կհայտնվեն, այսինքն' կկասեցվեն:
«Մահապատժի վերականգնումը կհակասի ԵՄ հիմնարար իրավունքների հռչակագրին: Այդ ժամանակ անդամակցության բանակցությունների իմաստը կկորի»,-նշել է նա:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
