«Հայկական Ժամանակ». «Հանրապետություն» կուսակցությւոնը կսատարի Րաֆֆի Հովհաննիսյանի՞ն

«Հանրապետություն» կուսակցության քաղաքական խորհրդի նախագահ Արամ Սարգսյանը երեկ կայքերից մեկին տված հարցազրույցում հայտարարել է, թե առաջիկա նախագահական ընտրություններում չի առաջադրվելու որպես նախագահի թեկնածու: Միաժամանակ այս օրերին «Հանրապետություն» կուսակցությունում ուշագրավ խմորումներ են տեղի ունենում: Որոշակիորեն ուրվագծվում են առաջիկա նախագահական ընտրություններում «Ժառանգություն» կուսակցության առաջնորդ Րաֆֆի Հովհաննիսյանին սատարելու տրամադրությունները: Ավելին, կուսակցությունում այս թեմայով անգամ լուրջ խոսակցություն է ծավալվել: Այդ հեռանկարը, սակայն, խիստ դժգոհություն է առաջացրել կուսակցության որոշ անդամների մոտ: Հակափաստարկը եղել է հետևյալը` Րաֆֆի Հովհաննիսյանը խաղում է Սերժ Սարգսյանի խաղը: «ՀԺ»–ն նկատում է, որ այս օրերին Արամ Սարգսյանը հասանելի է միայն կոնկրետ լրատվամիջոցների: Նա, ըստ թերթի տեղեկությունների, փակվում է իր աշխատասենյակում և առանձնանում անգամ իր կուսակիցներից: Ի դեպ, առայժմ հստակ չէ նաև, թե «Հանրապետությունը» երբ է սկսելու խոստացված փողոցային գործողությունները: