«Ժողովուրդ». ՀՅԴ բյուրոյի վերնախավում փոփոխություններ կլինեն
Հայկական Մամուլ
Ըստ «Ժողովուրդ»-ի տեղեկությունների՝ առաջիկա օրերին սպասվում է «Հայ հեղափոխական դաշնակցություն» կուսակցության բյուրոյի արտահերթ ժողով, որի ընթացքում կքննարկվեն կուսակցության առաջիկա անելիքներն ու կադրային հարցերը: Համենայնդեպս, հատկապես մերձավոր արևելքի երկրներում ՀՅԴ կառույցներից դժգոհությունը մեծ է, ինչը տեղի դաշնակցականներին հանգեցրել է այն մտքին, որ պետք է արտահերթ ժողով հրավիրել ու քննարկել առկա իրավիճակը:
«Ժողովուրդ»–ի աղբյուրները չեն բացառում, որ հնարավոր է՝ բյուրոյի անդամների փոփոխություն տեղի ունենա: Թերթը նշում է, որ ՀՅԴ բյուրոն կուսակցության ղեկավար մարմինն է: Թերթը փորձել է լուրը ճշտել ՀՅԴ բյուրոյի անդամ Աղվան Վարդանյանից, որն ասել է. «Նման նիստեր անցկացվում են որոշակի պարբերականությամբ՝ տարեկան 3-4 անգամ, ևս մեկն էլ նախատեսված է անցկացնել առաջիկայում»:
Վարդանյանը, սակայն, հերքել է ՀՅԴ բյուրոյի վերնախավի փոփոխությունը՝ հայտարարելով, թե նման հարց չի քննարկվում:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
