Հայտնաբերվել են SuperJet-100–ի «սև արկղերը» և ուղարկվել Ջակարտա՝ փորձաքննության

Հայտնաբերվել են Ինդոնեզիայում մայիսի 9-ին վթարի ենթարկված SuperJet-100 օդանավի ինքնագրիչները, որոնք ուղարկվել են փորձաքննության, հաղորդում է Itar-Tass–ը։

ՌԴ ավիացիոն ծառայության ներկայացուցիչը հայտարարել է, որ «սև արկղերը» գտնվել են այրված վիճակում։ Նախնական տվյալներով, ինքնագրիչների վերծանումը կիրականացվի Ինդոնեզիայում՝ ռուս մասնագետների մասնակցությամբ։

Հիշեցնենք, որ մայիսի 9-ին ներկայացուցչական չվերթ իրականացնելու ժամանակ Ինդոնեզիայում վթարի էր ենթարկվել ռուսական արտադրության SuperJet-100 օդանավը, որում եղել էր 45 մարդ։