Թուրքիան դեռևս չի կատարել ԵՄ-ի հետ այցագրերի չեղարկման համար 72 պահանջից հինգը. ԵՀ
Թուրքիա
Թուրքիան դեռևս չի կատարել Եվրամիության հետ այցագրային ռեժիմի չեղարկման համար նախատեսված 72 պահանջներից հինգը: Այս մասին Բրյուսելում կայացած մամուլի ասուլիսում հայտարարել է Եվրահանձնաժողովի (ԵՀ) ներկայացուցիչ Նատաշա Բերտոն:
«Իրադրությունը չի փոխվել Եվրահանձնաժողովի վերջին զեկույցի պահից ի վեր, հինգ պայման նախկինի պես մնում է չկատարված»,- ասել Է նա:
Նրա խոսքով՝ պահանջների ցուցակում, մասնավորապես, մտնում է Թուրքիայի ահաբեկչության դեմ պայքարի վերաբերյալ օրենսդրության մեջ փոփոխությունների կատարումը:
«Մենք ցանկանում ենք, որ մեր գործընկերներն ու հարևաններն արդյունավետորեն պայքարեն ահաբեկչության դեմ»,- նշել է Բերտոն:
Թուրքիան հույս ուներ, որ Եվրամիության հետ անայցագիր ռեժիմ կսահմանվի 2016 թվականի հուլիսի 1-ից՝ Թուրքիայի տարածքով Եվրամիության երկրներ միգրացիոն հոսքի սահմանափակման շուրջ համաձայնագրի շրջանակներում: Սակայն ԵՄ-ն պնդում է, որ դրա համար Անկարան պետք է կատարի Միության՝ ավելի վաղ համաձայնեցված բոլոր 72 պահանջը, ներառյալ ահաբեկչության դեմ պայքարի մասին օրենքի մեղմացումը: Այն, Բրյուսելի կարծիքով՝ կառավարությանը և հատուկ ծառայություններին օժտում է անհամամասնական լիազորություններով, որոնք խախտում են քաղաքացիների հիմնական ազատությունները, հաղորդել է ՏԱՍՍ-ը:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
