Թուրքիայում հերթական ահաբեկչական գործողության հետևանքով կան զոհեր և վիրավորներ

Վանում անցած գիշեր տեղական ժամանակով մոտ ժամը 23:15-ին Իսքելե պողոտայում ոստիկանության բաժանմունքի մոտ ավտոմեքենա է պայթեցվել, ինչի հետևանքով զոհվել է 5, վիրավորվել 40 մարդ:

Ինչպես հաղորդում է թուրքական Demokrat Haber լրատվական կայքը, պայթել է պայթուցիկով լիցքավորված Nissan տեսակի ավտոմեքենան: Սպանվածներից 3-ը քաղաքացիական անձինք, 2-ը' ոստիկաններ են: Վիրավորվածներից 18-ը ևս ոստիկաններ են:

Պայթյունի պատասխանատվությունը որևէ կազմակերպություն դեռևս չի ստանձնել: