Սկանդալային Թրամփի վարկանիշային գահավիժումը

Այն բանից հետո, երբ հանրապետական կուսակցությունն ԱՄՆ նախագահական ընտրություններում պաշտոնապես առաջադրեց սկանդալային Դոնալդ Թրամփի թեկնածությունը, նրա վարկանիշը կայուն անկում է ապրում:

Մասնագետներն ընդամենը 20 տոկոս են համարում նրա ընտրվելու հավանակությունը: Սակայն սա չէ հիմնական գլխացավանքը, որ այս օրերին տանջում է Սպիտակ տան հավակնորդներից մեկին:

Սովորաբար Թրամփն է նախահարձակ ու նրա ընդդիմախոսներն են հայտնվում  քննադատության թիրախում: Ընդունված է, որ այս մարդն է սկանդալներ ստեղծում մյուսներին ներքաշելով դրանց մեջ:

Սակայն անցած օրերին գործել է հակաառակ տրամաբանությունը: ՀԻմա նա, իսկ ավելի ստույգ նրա թիմակից Փոլ Մանաֆորթն է հայտնվել բավականին անդուր մի սկանդալի կիզակետում: Պարզվում է Մանաֆորթը ժամանակին աշխատել է Ուկրաինայի նախկին ռուսամետ նախագահ Վիկտոր Յանուկովիչի և նրա ռեգիոնների կուսակցության համար: Ավելի պարզ՝ նրանց համար քաղաքական ու իմիջային խորհրդատվություն է իրականացրել 2007-2012 թվականներին և բավականին հաջող:

Այդ ընթացքում, թե՛ Յանուկովիչը և թե՛ նրա կուսակցությունը հաջողություններ են գրանցել նախագահական և խորհրդարանական ըտրություններում:

Մանաֆորթը ժամանակի ընթացքում ճգնել է որպեսզի Յանուկովիչը հանդես գա եվրոպական իմիջով և եվրոինտեգրացիայի դիրքերից: Սակայն դա քչերին է հայտնի կամ հետաքրքրում: Շատ ամերիկացիներ հիմա ավելի են զգուշանալու Թրամփից, որովհետև նրա գլխավոր թիմակցի անունը, ասոցացվում է ռուսամետ ու վարկաբեկված ուկրիանական երբեմնի առաջնորդի հետ:

Սակայն սա Թրամփի համար այս տխուր պատմության վերջը չէ: Ըստ ուկրաինական պաշտոնական շրջանակների և միջազգային ԶԼՄ-ների իր գործունեության դիմաց Մանաֆորթը Յանուկովիչից առատաձեռն վարձատրվել է հինգ տարիների ընթացքում ստանալով 12.7 միլիոն դոլար: Ի՞նչ կա որ, կհարցնի ընթերցողը, մարդն աշխատել է, դրա դիմաց վարձատրվել: Բանն այն է սակայն, որ Մանաֆորթը վարձատրվել է ոչ լեգալ ճանապարհներով:

Սռացվում է այսօր Թրամփը աջ ու ձախ քննադատում, քարկոծում է, անազնիվ և կեղտոտ, կենսագրությւոն ունեցող հակառակորդներին, իսկ իր շրջապատում, հովանավորում է մեկին ով կարող է լրջագույն պրոբլեմներ ունենալ օրենքի հետ:

Նախօրեին, Մանաֆորթը հեռացավ Թրամփի նախընտրական շտաբի ղեկավարի պաշտոնից, սակայն դեմոկրատների թեկնածուի վարկանիշային անկումը չի դադարում, անգամ նոր թիմի, նոր իմիջի առկայությամբ:

Սարգիս Հակոբյան