Բնական ռեսուրսներն «ամենաագահ» օգտագործող 25 երկրները

Վայրի բնության համաշխարհային հիմնադրամը զեկույց է հրապարակել՝ Living Planet Report 2012 անվանմամբ, որում ներկայացրել է բնական ռեսուրսները սպառող երկրների ցանկը, հայտնում է Korrespondent.net-ը։

Գիտնականները պնդում են, որ բնական ռեսուրսների օգտագործումն ընթանում է կրկնակի անգամ ավելի արագ, քան դրանց վերականգնումը։ 2030 թվականին սպառման նման տեմպերի պայմաններում մեզ չի հերիքի նույնիսկ երկու երկրագնդի ունեցած ռեսուրսները։

Բնական ռեսուրսների արագ նվազմանը նպաստում է նաև բնակչության թվի աճը։ Ի դեպ, բնական այնպիսի ռեսուրսները, ինչպիսիք են ջուրը, նավթը, գազը, անտառն ու գյուղատնտեսության մեջ օգտագործվող հողը, ավելի շատ սպառում են բարձր կենսամակարդակ ունեցող երկրները։

Այդ է պատճառը, որ ներկայացված դասակարգման աղյուսակում չկան ԱՊՀ երկրները, այդ թվում՝ Հայաստանը։

2008 թվականի դրությամբ բնական ռեսուրսներն «ամենաագահ» օգտագործողների առաջին 25-ում տեղ են գտել հետևյալ պետությունները.

1. Քաթար
2. Քուվեյթ
3. Միացյալ Արաբական Էմիրություններ
4. Դանիա
5. ԱՄՆ
6. Բելգիա
7. Ավստրալիա
8. Կանադա
9. Նիդերլանդներ
10. Իռլանդիա
11. Ֆինլանդիա
12. Սինգապուր
13. Շվեդիա
14. Օման
15. Մոնղոլիա
16. Մակեդոնիա
17. Ավստրիա
18. Չեխիա
19. Սլովենիա
20. Ուրուգվայ
21. Շվեյցարիա
22. Հունաստան
23. Ֆրանսիա
24. Նորվեգիա
25. Իսպանիա