Վիրուսի միջոցով հնարավոր է երկարացնել կյանքը. գիտնականներ

Քաղցկեղի հետազոտման ազգային կոնտրոնի իսպանացի մասնագետները հայտարարել են, որ իրենց հաջողվել է գենետիկայի միջոցով ծերացող մկների կյանքը երկարացնել 24%-ով, գրում է The Times of India-ն։ 

Ավելի վաղ ապացուցվել էր, որ կենդանիների կյանքը կարելի է երկարացնել որոշակի գեների ակտիվացման միջոցով։ Այս անգամ գիտնականները օրգանիզմի բջիջներին «պարտադրել» են արտադրել տելոմերազա, որը դանդաղացնում է կենսաբանական ծերացումը։ 

Տելոմերազայի սինթեզի ակտիվացումն արվել է օրգանիզմ ներմուծված գենետիկորեն մոդիֆիկացված վիրուսի միջոցով։ Վիրուսի գեները փոխարինել են տելոմերազայի գեներով, և վիրուսը տվյալ դեպքում կատարել է այդ գեները դեպի բջիջներ փոխադրողի դեր։