Բակտերիաները սովորեցրել են ռոբոտներին շարժվել սինխրոն (տեսանյութ)

Ռոբոտների խմբի ներսում ժամանակի սինխրոնիզացիայի համակարգի ստեղծման համար ինժեներները կիրառել են բակտերիաների շրջանում գործող քվորումի զգացողության սկզբունքը։ 

Գիտնականները փորձել են ստեղծել փորազդեցության այնպիսի մի սխեմա, որը հնարավորություն կընձեռի մարդանման NAO ռոբոտների խմբին սինխրոն պարել։ Որպես կանոն, նման խնդիր լուծելու համար նախկինում կիրառում էին երկու հետևյալ եղանակները. կա՛մ խմբում ընտրվում էր լիդեր, որի շարժումները կրկնօրինակում էին խմբի մյուս անդամները, կա՛մ շարժումների ժամանակը և տևողությունը սինխրոնիզացվում էր նախօրոք, խմբի բոլոր ռոբոտների մոտ։ 

Ռոբոտների խումբը, որի անդամները պետք է սինխրոնիզացնեին իրենց շարժումները, որոշում էր ինչ-որ ընդհանուր մի ժամանակ այնպես, որ ռոբոտներից յուրաքանչյուրը դրա որոշման ժամանակ իր սեփական մասնաբաժինն էր ներմուծում։ Ժամանակն, այդպիսով, հանդես է գալիս իբրև կոլեկտիվ ռեսուրս, ինչն էլ խմբին հնարավորություն է ընձեռում ապահովել ընդհանուր սինխրոնիզացիա, եթե անգամ խմբի առանձին ռոբոտներ հեռացվում են։ Ընդհանուր ժամանակը այդ պարագայում ապահովում են մնացյալ ռոբոտները։