Կոնսերվատորիայի շենքը չի կարող օտարվել. ԿԳՆ-ն հերքում է

«Պաշտոնապես հերքում եմ նման տեղեկությունը»,- Լուրեր.com-ի հետ զրույցում ասաց ԿԳՆ հասարակայնության հետ կապերի և տեղեկատվության վարչության պետ Արթուր Բաղդասարյանը` մեկնաբանելով մամուլում տարածված տեղեկությունները, թե Երևանի Կոմիտասի անվան պետական կոնսերվատորիայի շենքը պատրաստվում են վաճառել և, ամենայն հավանականությամբ, ուսումնական այդ հաստատության տեղում վեր կխոյանա էլիտար բազմաբնակարան շենք կամ հյուրանոցային համալիր:

Բաղդասարյանն ավելացրեց, որ «Կրթության մասին» օրենքի 45 հոդվածի 4-րդ կետով նախատեսված է, որ կրթական հաստատության շենքը չի կարող օտարվել։