Ճնճղուկի` բազե դառնալը մի տեսակ չի նայվում

ՀՀ ԱԳ փոխնախարար Շավարշ Քոչարյանը երեկ խրոխտ տոնով հայտարարել է, որ ԼՂՀ խնդրի կարգավորման գործընթացում տարածքների զիջման տարբերակ երբեք չի քննարկվել: 

Քոչարյանը մի փոքր անկեղծ չէ, որովհետև կարգավորման բոլոր առաջարկները, սկսած 1994 թ-ից, ունեցել են «կարգավիճակ տարածքի դիմաց» փիլիսոփայությունը և ենթադրել են հայկական կողմից տարածքային որոշ զիջումներ:

Այլ խնդիր է, որ ներկայումս Հայաստանի իշխանությունները հակված չեն միակողմանի զիջումների: Հայաստանի գործող իշխանությունը միշտ ասոցացվել է ճնճղուկի հետ, և մի տեսակ չի նայվում բազեի կերպարը, այն էլ՝ Շավարշ Քոչարյանի դեմքով:

Մյուս կողմից այս կերպարանափոխությունը միայն դրական է և հուշում է, որ հուլիսյան հայտնի իրադարձություններն, այնուամենայնիվ, որոշակի «ծռություն» են հաղորդել իշխանությանը:

Մնում է իշխանությունը բազեի թռիչք և ուժ ունենա:

Սարգիս Հակոբյան