Թուրքիայում 8 պատգամավորներ բերման կենթարկվեն

Թուրքիայում քրդամետ Ժողովուրդների դեմոկրատական կուսակցության (HDP) 8 պատգամավոր բերման կենթարկվի:

Այս մասին հայտնում է թուրքական haberler.com լրատվական գործակալությունը:

«Քրդական համայնքների միության» (KCK) դատական գործով Ժողովուրդների դեմոկրատական կուսակցության պատգամավորներ Օսման Բայդեմիրի, Ահմեթ Յըլդըրըմի, Բեսիմե Քոնջայի, Չաղլար Դեմիրելի, Դիրայեթ Թաշչըյի, Ալիջան Ունլուի և Նադիր Յըլդըրըմի նկատմամբ դատական գործընթաց է սկսվել:

Դիարբեքիրի երկրորդ քրեական դատարանը նրանց բերման ենթարկելու որոշում է կայացրել ելնելով այն հանգամանքից, որ պատգամավորները հրաժարվել են ներկայանալ դատական նիստին:

Դատարանի կայացրած մեկ այլ որոշմամբ վճռել է սպասել KCK գործի շրջանակում ԺԴԿ մի շարք անդամների ձերբակալելու հրամանի կատարմանը և հետաձգել է նիստը:

KCK-ն համարվում է Թուրքիայում արգելված Քրդստանի աշխատավորական կուսակցության (PKK) քաղաքացիական թեւը: KCK-ն ստեղծվել է 2005 թվականին, իսկ KCK գործով դատավարությունները մեկնարկել են 2009 թվականի ապրիլի 14-ից: