«Լֆիկ Սամո՞», թե «Ցորեն Սամո»

ԱԺ օլիգարխ-պատգամավոր Սամվել Ալեքսանյանն այն եզակիներից է, ով ոչ միայն չի թաքցնում իր մականունն, այլ նաև չի նեղվում դրանից:

Ի դեպ, Ալեքսանյանն իր կյանքում հասցրել է մի քանի մականուն փոխել: Դրանք, որպես կանոն, բնորոշել են նրա սոցիալական վիճակը, բիզնեսի տեսակը: Այս տրամաբանությամբ միանգամայն տեղին կլիներ պատգամավորին հիմա կոչել «Ցորեն Սամո» մականունով, որովհետև Ալեքսանյանին պատկանող «Ալեքս գրիգ» ընկերության «Բաղրամյանի ալրաղաց» գործարանը զբաղված է ռուսական ցորենի էժան գնով ներկրմամբ:

Սա հանգեցրել է նրան, որ մեր գյուղացիներից ցորենն այս տարի շատ էժան գնով է մթերվում, 120-130-ի փոխարեն՝ 95 դրամով:

Փաստորեն, Կառավարությունը ոչ մի քայլ չի ձեռնարկում տեղական շուկան պաշտպանելու ուղղությամբ, որովհետև այս ներկրման շնորհիվ գերշահույթ է ստանում համակարգը սնուցող ազդեցիկ օլիգարխներից մեկը:

Վերջինս շարունակում է հարստություն դիզել հազարավորների օրվա հացի, աղքատացման ու թշվառացման հաշվին: Սա է քրեաօլիգարխիկ Հայաստանի իրական դեմքը: 

Սարգիս Հակոբյան