Ստեղծվել է էլեկտրաէներգիա արտադրող վիրուս

Ամերիկյան գիտնականները մշակել են վիրուսների օգնությամբ էլեկտրաէներգիայի արտադրության նոր մեթոդ։ Որպես փորձնակա նմուշ, ստեղծվել է փոստային նամականիշի չափսերի գեներատոր, որի հիմնական տարրը հատուկ ստեղծված վիրուսներից բաղկացած թաղանթն է՝ վերադրված էլեկտրոդի վրա, որին հպվելիս վիրուսները մեխանիկական էներգիան վեր են ածում էլեկտրականության։

Հետազոտության արդյունքները տպագրվել են Nature Nanotechnology գիտական ամսագրում։

«Այս մշակումը առաջին քայլն է՝ ուղղված անձնական գեներատորների, միկրոմանիպուլյատորների ստեղծմանը», - հայտարարել է Բերկլիի Կալիֆոռնիայի համալսարանի պրոֆեսոր Սյոնգ Վուկ Լին։ Մշակման մեջ օգտագործվել է մարդու համար անվտանգ, գենետիկ մոդիֆիկացիայի ենթարկված բակտերիոֆագ M13 վիրուսը, որի սպիտակուցային շղթային ավելացվել է բացասական լիցքով չորս մոլեկուլ։

Վիրուսներն ինքնակառուցվող են և կարող են կազմել թաղանթ, ինչը կարևոր է դրանց նանոտեխնոլոգիականկիրառության համար։

Փորձնական գեներատորը, բաղկացած նման 20 թաղանթների վերադրումից, կարող է գեներացնել 2.5 Վոլտ էլեկտրաէներգիա, ինչը դեռ քիչ է, սակայն ցուցադրում է նման սարքերի հնարավորությունները։