Օբաման և Օլանդը կննարկեն եվրոգոտու ճգանաժամային իրավիճակից դուրս գալու հարցեր. The Guardian

Նախագահ Բարաք Օբաման Ֆրանսիայի նախագահ Ֆրանսուա Օլանդի հետ Սպիտակ տանը սպասվելիք հանդիպման ընթացքում քննարկվելու է  երվրոգոտու ճգնաժամից դուրս գալու միջոցների հարցը, գրում է The Guardian պարբերականը։  

Ինչպես նշում է պարբերականը, Ֆրանսիայի նորընտիր նախագահը ԱՄՆ–ի նկատմամբ արդեն կոշտ դիրքորոշում է որդեգրել ՆԱՏՕ–ի կազմում Աֆղանստանում առաքելություն իրանականացնող Ֆրանսիայի զինուժը նախանշված ժամկետից ավելի շուտ դուրս բերելու առումվ։
Օբամայի և ֆրանսիացի իր կոլեգայի հանդիպումը նախատեսված է Սպիտակ տան «Օվալաձև սենյակում», որտեղ, հավանաբար ԱՄՆ նախագահը կփորձի 57-ամյա սոցիալիստին համոզել, որպեսզի վերանայի Ֆրանսիայի զորքը նախանշված ժամկետից շուտ Աֆղանստանից դուրս բերելու դիրքորոշումը։ 

Սակայն, երկու առաջնորդներն էլ, որոնք իրենց աջակցությունն էին հայտնել եվրոպայում արտարժույթի աճի զարգացման հարցում, պատրաստվում են ստեղծել միասնական ճակատ՝ հաղթահարելու եվրոգոտու ճգնաժամը։

Պարբերականում նշվում է, որ Օբաման աջակցություն է ակնկալում Մեծ Բրիտանիայի վարչապետ Դեյվիդ Քեմերունից, որը Օլանդի և Գերմանիայի կանցլեր Անգելա Մերկելի հետ քննարկման ընթացքում նշել էր, որ Եվրոգոտու առաջնորդները պետք է մի շարք քայլեր ձեռնարկեն միասնական արտարժույթի ամրապնդման համար։

Հունաստանում դեռևս բանկերից ավանդների արտահոսքի նվազման հույս կա։ Սակայն Բրիտանիայի խոշոր HSBC բանկի գործադիր տնօրեն Սթյարտ Գուլիվերի խոսքերով, «այդ առումով նախորդ շաբաթվա համեմատ, այս շաբաթ իրավիճակն ավելի վատ է»։