Շարմազանովն իր կարծիքը հիմնավորում է Կտակարաններից մեջբերումներով. Facebook–ում բուռն քննարկում է

Facebook սոցիալական ցանցում ակտիվորեն քննարկվում է Հանրապետական կուսակցության մամլո խոսնակ Էդուարդ Շարմազանովի արձագանքը լրագրող Ծովինար Նազարյանի մեկնաբանությանը։ 

Ծովինար Նազարյանը Շարմազանովի` ավելի վաղ «Հրապարակ»-ին տված մեկնաբանությանը, թե «բոլոր նրանք, ովքեր փորձում են իրենց պաշտպանության տակ առնել մեր հասարակությունը այլասերող համասեռամոլներին, պղծում են հայերիս ազգային նկարագիրը։ Ես, որպես Հայաստանի քաղաքացի եւ ազգային-պահպանողական կուսակցության անդամ, միանգամայն ճիշտ ու արդարացված եմ համարում երկու հայ երիտասարդների ընդվզումը մեր երկրում այլասերության որջ ստեղծած եւ հասարակությունն իր բարոյական արժեքներից հեռացնելու նպատակ ունեցող համասեռամոլների դեմ: Իսկ մարդու իրավունքների այն պաշտպաններին, ովքեր այս միջադեպի առիթով ջանում են էժան դիվիդենտներ շահել, կոչ եմ անում՝ պաշտպանել նախեւառաջ համամարդկային ու ազգային արժեքները», պատասխանել էր. «Էդիկ ջան, եթե դու շարունակես էս ոգով եւ թույլ տաս, որ քո կուսակցությունն ու պետությունը էսպես շարունակի, չմոռանաս, որ մի օր հերթը քեզ էլ կհասնի, չէ՞ որ դու էլ ես փոքրամասնության ներկայացուցիչ՝ ծագումով հույն ես՝ ինչքան էլ գրես «հայերիս նկարագիրը», եւ դու նույնքան իրավունքներ ունես էս երկրում, ինչքան հայերը, եզդիները, նույնասեռականները, աթեիստները, առաքելականները, հաշմանդամները եւ մնացածը՝ փոքրամասնություն լինեն թե մեծամասնություն: Էդիկ ջան, խնդրում եմ, սթափվիր, քանի ուշ չի: Դու չես կարող ֆաշիստանալ»։ 

Եվ ահա, Շարմազանովն իր հերթին արձագանքել է Ծովինար Նազարյանի մեկնաբանությանը և մասնավորապես ասել. «Ծովինար ջան, ծանոթացա հրապարակային արձագանքիդ իմ դիրքորոշման վերաբերյալ: Խորապես ափսոսում եմ, որ քո լայնախոհությունն էլ է տեղի տվել եւ ոմանց նման թյուրիմացության մեջ ես հայտնվել»։ 

«Ծովինար ջան, իրավացի ես, ես չեմ կարող «ֆաշիստանալ», քանի որ քրիսոտնյա եմ: Այս դեպքում անտեղի է ֆաշիզմին հղում անելը, քանի որ իմ կարծիքը, որը կա ու կմնա նույնը այս հարցի վերաբերյալ, բխում է իմ քրիստոնեական սկզբունքներից: Իսկ քրիստոնեությունը հանդուրժողականության գագաթնակետն է, Արարիչն անսահման սեր է եւ այդ սերը հավասարապես բաշխում է բոլորին' անկախ նրանից շնացող են մարդիկ, թե հավատացյալ: Ուզում եմ հավատալ, որ տարիներն իմ բարեկամի արժեհամակարգը չեն սասանել եւ եթե դեռ հավատարիմ ես քրիստոնեական արժեքներին, որոնք այնքան համամարդկային են, բարեկամաբար խորհուրդ եմ տալիս Աստվածաշունչ կարդալ»,- հավելել է Շարմազանովը` իր խոսքում մի շարք մեջբերումներ անելով Հին և Նոր կտակարաններից։ 

Ձեզ ենք ներկայացնում Facebook սոցցանցում վերոնշյալի վերաբերյալ օգտատերերի մեկնաբանությունները. 

«Իսկ քրիստոնեությունը հանդուրժողականության գագաթնակետն է», հահահահահահահ։ Փաստորեն, ես' աթեիստս, մաքսիմում հանդուրժողականության ստորոտներում եմ :DDD

Յաաաա, էս Հանրապետականները սկսել են աստծուց խոսել, բա որ ասում էի «հավատանք, որ փոխենք»-ը լրիվ հավատափոխության հետ է կապված, ոչ մեկ չէր արձագանքում... փաստորեն Հայաստանում երկրորդ քրիստոնեական հեղաշրջումն է ընթանում, վրաներս խաբար չկա...

ՀՀԿ–ն այսուհետ կարելի ա համարել ոչ թե նացիստական, այլ նացիստաքրիստոնեական կուսակցություն

Սրա վերջը խարույկի վրա վառելն է գյավուրներին :ճճճճճճճճճճճճճճ

Շատ ընտրողաբար ա կարդացել Աստվածաշունչը, օրինակ երևի իրան ծանոթ չեն էն հատվածները, որ ասում ա` մի՛ դատիր, որ չդատվես», «Աստծունը Աստծունն է, Կեսարինը Կեսարինն է», «Ով մեղք չունի, թող առաջին քարը գցի»

Դեն Նոր Կտակարանից էլ ա մեջբերել, բայց ոչ թե Ավետարանից, այլ Կորնթացիների նամակից, և դա պատահական չի, քանի որ Ավետարանը իր ամեն ինչով ուղղված ա փարիսեցիների դեմ, իսկ ինքը տիպիկ փարիսեցի ա, էլի եմ ասում ափսոս ժամանակ չկա, մի հատ ցիտատների հավաքածու սարքեմ ուղարկեմ դրանց, որ հասկանան թե իրանք ինչքան հակա-քրսիտոնեական մտածողություն ունեն

Նրանք ընդամենը սեկտանտներ են