Օբաման 3 մլրդ դոլար է խոստացել Աֆրիկային` սովի դեմ պայքարելու համար

ԱՄՆ նախագահ Բարաք Օբաման հայտարարել է, որ տասնյակ ամերիկյան ընկերություններ իրենց վրա պարտավորություն են վերցրել 3 մլրդ դոլարի օգնություն հատկացնել Աֆրիկայի սովյալներին։ Այս մասին հայտնում է BBC-ն։

Վաշինգտոնում ունեցած ելույթի ժամանակ Օբաման վստահեցրել է, որ ԱՄՆ-ն՝ իբրև աշխարհի ամենահարուստ երկիր, բարոյական պարտավորվածություն ունի միջազգային հանրության նկատմամբ և պետք է գլխավորի սովի դեմ պայքարը։

Նա նաև կոչ է արել մյուս զարգացած երկրների կառավարություններին կատարել իրենց վրա վերցրած պարտավորությունները և զարգացող երկրներին օգնել աղքատության դեմ պայքարում։