«Ժողովուրդ». Ինչո՞ւ են ծառայած զինվորներին «տանում բանակ». մեկնաբանում է ՊՆ մամլո խոսնակը
Հայկական Մամուլ
Երեկ «Ժողովուրդ»-ի խմբագրությունն ահազանգեր էր ստանում քաղաքացիներից, որոնք դժգոհում էին, որ զինկոմիսարիատներից մարդիկ են գալիս և արդեն ծառայած զինվորներին «տանում բանակ»: Թերթը փորձել է պաշտոնական տեղեկություն ստանալ ՀՀ ՊՆ մամլո խոսնակ Մուշեղ Աղեկյանից, որը պարզաբանել է. «Դա պլանային միջոցառում է և իրականացվում է զինված ուժերի մարտական պատրաստության հանկարծակի ստուգումների պլանի համաձայն: Զինված ուժերի մի քանի զորամասեր բերվել են բարձր մարտական պատրաստվածության վիճակի 100 տոկոս համալրմամբ: Այս միջոցառումները վերաբերում են ոչ թե զորակոչիկներին, այլ պահեստազորում ընդգրկված արական սեռի անձանց, արդեն ծառայածներին: Գնում են նրանք, որոնք կցված են այդ զորամասերին: Զորամասերը համալրվում են պահեստազորայիններով»: Նրա խոսքերով՝ նման միջոցառումներ սովորաբար լինում են հրամանատարաշտաբային զորավարժությունների ընթացքում:
«Միջոցառման նպատակն է ստուգել զորամասերի համալրվելու և բարձր մարտական պատրաստվածության վիճակի բերվելու ունակությունները: Այն կրում է ժամանակավոր բնույթ, կտևի երեք օր»,– ասաց նա:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
