Վարչապետ Կարեն Կարապետյանը չգիտե, թե ինչպես է հրապուրելու որակյալ կադրերին
Քաղաքական
ՀՀ նորանշանակ վարչապետ Կարեն Կարապետյանը չգիտե, թե ինչպես է լուծելու որակյալ կադրերի հարցը: Վարչապետն այս մասին հայտարարեց ԱԺ-ում կառավարության հետ հարցուպատասխանի ժամանակ:
Հիշեցնենք, որ իր հայտարարություններից մեկի ժամանակ նա ասել էր, որ նոր կառավարությունն համալրելու է լավ և որակյալ կադրերով:
«Պայմանավորվել էինք չէ՞, որ անկեղծ ենք լինելու, չգիտեմ»,- այսպես նա արձագանքեց ՀՀԿ-ական պատգամավոր Կարեն Շահմուրադյանի հարցին ի պատասխան, ով հետաքրքրվել էր, թե վարչապետն ինչպես է պատրաստվում հրապուրել բարձր որակավորում ունեցող մասնագետներին, այն դեպքում, երբ նրանց մեծ մասն այսօր բավականին բարձր աշխատավարձերով աշխատում է արտերկրում ու մասնավոր այլ կառույցներում:
«Չգիտեմ, այո, չգիտեմ: Պետք է ընտրենք այնպիսի մարդկանց, որոնք միսսիա են տեսնում: Եվ այս պահին խոսել պետական աշխատողի աշխատավարձի մասին, երբ որ բազմաթիվ խնդիրներ մենք դեռևս չենք լուծել, կարծում եմ՝ ճիշտ չի լինի, բայց մեր պետական ապարատը ավելի էֆեկտիվ դարձնելու համար, պետք է այդ հարցին անդրադառնանք: Հակառակ եպքում մենք չենք ունենալու որակյալ կառավարման համակարգ: Դա իրականում խնդիր է»,- արձագանքեց վարչապետը:
ՈՒՂԻՂ ԵԹԵՐ
Ամենադիտված 
Ինչպիսի տեսք ունի բլոգեր Նինա Տիտանյանը՝ 30 կգ նիհարելուց հետո (լուսանկարներ)
